ШҚО-да тұңғыш рет өткізілген 140 шақырымдық ат бәйгесі өз мәресіне жетті. Ат жарысы үшкіндік "Тұғыры биік Тарбағатай" өнер мен спорт фестивалі аясында өтті.

Маусымның ашылуы Ұлан ауданы Сібе көлінде өтті. Сібе көлдері– тау қатпарларында бес көлдің тоғысқан жері, Шығыс өңіріндегі тұмса табиғаттың әсем көрінісі. Аудандағы туризмнің дамуы «100 нақты қадам» Ұлт жоспары негізінде жүзеге асырылып келеді. Екі жыл бұрын Шалқар көлінде (Сібе көлдерінің тобына енген үшінші көл) облыс тұрғындары мен туристерінің сүйікті демалыс орнына айналған «Sibiny» family resort» муниципалды жағажайы ашылған болатын.

Бүгін ШҚО Тарбағатай ауданында Ырғызбай Досханаұлы атындағы орталық стадионда мыңдаған адам жиналып, 30 мемлекеттен келген 90 балуанның бақ пен күш сынасуына куә болды.

Ырғызбай Досханаұлының туған жерінде өтіп жатқан «Тұғыры биік Тарбағатай» халықаралық фестивалі әлемнің әр түкпірінен келген спортшылар мен тіл жүйріктерінің басын қосты. 14 маусым күні ШҚО әкімі Даниал Ахметов Тарбағатай ауданына келіп, облыс ақсақалдарымен кездесті. Фестиваль аясында үшінші облыстық ақсақалдар форумы өтті. Аймағымыздың барлық аудан мен қалаларынан 50 ақсақал келіп, жастар тәрбиесі мен қазақ елінің салт-дәстүрін дәріптеу сұрақтарын талқылады.