Өскеменде үш мыңнан астам ағаш көшеті отырғызылады

Сенбі, 05 Қазан 2019 16:50

Шығыс Қазақстан облысының әкімі Даниал Ахметовтің бастамасымен Өскемендегі Куленовка ықшам ауданында 140 түп ағаш көшеті отырғызылды.

Оған қала тұрғындары белсене қатысты.
- Қаламызды абаттандыру жұмыстары алдағы уақытта жалғасын табады. Біз келесі жылы осы ықшам ауданда үш мыңнан астам ағаш көшетін егеміз. Осылайша, бәріміз облыс орталығын абаттандыру жұмыстарына белсене атсалысатын боламыз, - деді Даниал Ахметов.
Бұдан соң аймақ басшысы Ана мен бала орталығына барып, дәрігерлермен бірге ағаш көшетін екті. Сенбіліктен соң Даниал Ахметов дәрігерлермен тілдесіп, олардың біліктілігін арттыру мақсатында барлық жағдай жасалатынын атап өтті.
Айта кетейік, бұл күні ана мен бала орталығының қызметкерлері 230 түп қарағай, қарағаш сынды ағаш көшеттерін отырғызды.